التاريخ : 2025-11-02

مدة القراءة : 2 دقائق

محد يحب يسمع ملاحظة، خاصة لو كانت على عمله. لكن خلنا نكون صريحين: لا أحد فوق النقد في العمل، خصوصًا في البيئات السريعة والتنافسية. مع وصول فترة التقييمات السنوية، هذه نصائح عشان تستفيد من النقد اللي يجيك!

**اسمع مو بس عشان ترد 👂 **

أول ردة فعل عند النقد هي الدفاع أو التبرير. لكن بدال ما تحتمي بكلامك، جرّب تشغل أذنك. اسمع الكلام للنهاية، واطرح أسئلة توضح الصورة، مثل: - "عندك مثال؟" - "وش تتوقع مني أغير المرة الجاية؟" مجرد إنك تبين اهتمامك، يتغير الجو لصالحك، وقد تكتشف شيء "ما كنت شايفه".

**افصل الرسالة عن المرسل🧍‍♂️ **

أحيانًا مَن ينتقدك يكون صعب، أو نيته ليست واضحة. لكن لا تخلط بين الشخص والكلام.  قد يكون مزاجه سيئ أو أسلوبه "لك عليه".. لكن ملاحظته فيها الشيء المفيد! خذ اللي يفيدك واترك ما لا يفيدك.

النقد بدون خطة = توتر مستمر

كل ملاحظة تسمعها، حاول تطلع منها بخطوة عملية. هل تتكرر نفس الملاحظات؟ هذا مؤشر واضح. هل في مهارة تحتاج تطوير؟ دور تدريب، أو اطلب المساعدة. اللي يحوّل النقد من "وجع رأس" إلى "خريطة طريق" هو انتباهك للأنماط والسياقات خلف الملاحظات اللي تجيك.

🙏 حتى لو مو عاجبك… قل شكراً

ماعجبتك الملاحظة؟ عادي.. ردّك هو اللي الناس تتذكره. جملة بسيطة مثل: "شكرًا على الملاحظة، سأخذها في عين الاعتبار." تخليك تطلع بشخصية راقية.. وتخلي اللي قدامك يحترمك أكثر.

🌱 عقلية النمو: عضلة النجاح

في ناس تشوف النقد جدار، وفي ناس تشوفه جسر، والفرق طريقة التفكير. تبنيك لعقلية النمو راح يشكل صورتك ونتائجك في كل جوانب حياتك، مو بس التقييم السنوي. اللي عنده عقلية ثابتة، يجلد ذاته ويفسّر كل ملاحظة كأنها حكم نهائي على قدراته. يفترض إن التغيير مستحيل فيتجنب المحاولة من الأساس. لكن صاحب عقلية النمو، يعرف أن المهارات تتطوّر، والعثرات مجرد تدريب إضافي. اللي يحترم جهله ويصبر على نفسه، سيصل لأبعد من توقعاته.

اشترك معنا:

اقرأ المزيد من القصص والأخبار المماثلة يوميًا على بريدك.

شارك القصة عبر :

X

انسخ الرابط