دراسة حديثة جايه تبشرك بأن إضافة أيّ ألف خطوة أي مايقارب الثمان دقائق بس لمعدّل خطواتك اليومي هي تذكرة شراء حماية قلبك وتقليل مخاطر أمراضه بنسبة ١٧٪؜. ستريك الـ١٠آلاف خطوة اللي تقطع أقدامك عشان تقفله ممكن يكون مجرد حيلة تسويقية يابانية من ستينات القرن الماضي. ما يعني أن مالها فائدة طبعًا، لكن يعني أن عليك أن تلتفت لجسدك وقدراته وما تحصره برقم معين تمشيه ولا بلاها! اليوم ومع بيانات الأجهزة الذكية على مدى ١٠ سنوات، العلم يقول لك: لا تضغط على نفسك، القليل المستمر يفرق بشكل خيالي، خصوصاً للي يعانون من ضغط الدم.

التفاصيل بالأرقام🔢

المعادلة السحرية: كل ١٠٠٠ خطوة زيادة فوق معدلك (حتى لو كان معدلك المتواضع ٢،٣٠٠ خطوة) من المكتب/الجامعة للبيت، اذا زدت عليها شوي تنزل خطر السكتة الدماغية بنسبة ٢٥٪؜، وفشل القلب ٢٢٪؜، والأزمات القلبية ٩٪؜. والمجهود المطلوب منك لتحقيق هذه النسب السحرية هو مشوار أبو عشر دقايق للبقالة ولا لفتين بحوش البيت، كل خطوة لها وزنها وتفرق!   سقف الفوائد: الفوائد الصحية الكبيرة توصل أقصى مداها عند ١٠ آلاف خطوة؛ يعني العائد الأكبر على صحتك تأخذه من أول ألفين أو ثلاثة آلاف خطوة تضيفها، وما بعد ذلك مجرد "بونص".

ماذا يعني هذا لنا

من الآخر، هذا التغيير البسيط هو الحل الأنسب لنمط حياتنا بين المكاتب والحر. تطبيقات مثل "صحتي" أو برامج ولاء التأمين الصحي والشركات لو غيرت هدفها من ١٠ آلاف خطوة تعجيزية إلى زد ألف خطوة اليوم، بنشوف قفزة خيالية في مشاركة الموظفين والمواطنين. تقليل الأمراض المزمنة مثل الضغط والسكري في المملكة ما يحتاج ماراثون، يحتاج بس إننا نقطع ٨ دقائق مشي من وقت الجلسة.

الصورة الكبرى

مستقبل التقنية الصحية والطب الوقائي ما صار يدور حول "الرياضيين والمحترفين"، تقريبًا اللي رأس مالهم راحة بالهم هم الأساس. التطبيقات والساعات الذكية اللي بتنجح مستقبلاً هي اللي بتساعدك تسوي أقل مجهود ممكن مقابل أكبر فائدة صحية.