اسكن الآن وادفع لاحقًا 🏡🫱🏻🫲🏼
التاريخ : 2026-02-11
مدة القراءة : 2 دقائق
يمكن تعودنا على فكرة اشتر منتج ما تقدر تدفع قيمته كاملة اللحين، وادفع بعدين بالتقسيط مع خدمات "تابي" و "تمارا" وغيرهم. نقسّط جوال.. جهاز.. قطعة ملابس.. بس إيجار بيت؟ ما قد صارت!
التقسيـط وصل للضروريـات
عالميًا: شركة “Affirm” الأمريكية وحدة من أكبر شركات “اشترِ الآن وادفع لاحقًا” بدأت تجربة تتيح للمستأجرين تقسيم الإيجار الشهري إلى دفعتين كل أسبوعين، وبدون فوائد، مع منصة “Esusu”. طبعًا التجربة محصورة في عقارات ومشتركين محددين، مع اشتراك شهري يقارب ١٣٠ إلى ١٨٧ ريالًا سعوديًا مقابل خدمات إضافية مثل تسجيل الإيجار في السجل الائتماني والإرشاد المالي. محليًا: السوق توّه جديد، لكن إحدى المنصات اللي توفر لك ميزة تقسيط الوحدات السكنية على دفعات شهرية مرنة هي منصة "رايز" اللي تقول لك: صرت تقدر تسكن بيتك بدون دفعة أولى! مبدئيًا الفكرة مرتبة.. بس هل هي صح سلوكيًا؟
ليش الفكرة مغرية أصلًا؟
قد يكون الإيجار أكبر مبلغ مالي يقتصّ منك، وأحيانًا يقص ظهرك.. خصوصًا مع ارتفاع تكاليف السكن في الرياض وغير الرياض، فإذا قسّطت إيجار بيتك، بينسحب منك المبلغ تدريجيًا وبيزيد عندك إحساس "السيطرة" على فلوسك، وما راح تطير منك حصة كبيرة من الراتب في بداية الشهر!
هل فيه مشكلة في التقسيط… والشيء المُقَسَّط؟
أي شخص ناوي يستفيد من هذه الخدمة لاحقًا.. لازم يتذكّر أن تقسيط الإيجار ما يرفع الدخل، ولا ينزل تكلفة السكن، هو فقط يوزّع الضغط على أيام أكثر. وهنا المشكلة أو الخطر.. تعطيك الأداة إحساسًا مؤقتًا بالراحة، وتحوّل هذا الحل المؤقت إلى عادة شهرية، بينما أنت في نهاية المطاف دافع دافع الله لا يعوق بشرّ. ناهيك أن الإيجار يختلف عن أي فاتورة ثانية؛ لأنه ما يتأجل ولا يُلغى، كل شهر بيتكرر مهما كانت حالتك المادية ومصروفاتك.. مب مثل أي شيء تشتريه لمرة واحدة وتقسّطه مرة واحدة.
قبل لا تقسّـط.. اجلس مع نفسـك
هل تقدر على الدفعتين بدون اقتراض جديد؟ هل عندك التزامات تقسيط ثانية؟ هل الرسوم الشهرية تستاهل؟ هل حاولت تتكلم مع المالك أولًا؟
الصــورة الكبــــــرى:
وصول التقسيط إلى الإيجار إشارة واضحة أن السوق يكيّف الناس للتعايش مع ارتفاعه. وتقسيطه يغيّر طبيعة السكن من شيء لازم تقدر عليه، إلى شيء تحاول تلاحقه.
اشترك معنا:
اقرأ المزيد من القصص والأخبار المماثلة يوميًا على بريدك.
قصص أُخْرى
