أخيرًا.. نظارات ذكية ما تفضحك 🥸

التاريخ : 2025-09-21

مدة القراءة : 2 دقائق

في مؤتمر "Meta Connect ٢٠٢٥" قبل عدة أيام، زوكربيرغ رفع الستار عن منتج يبدو وكأنه المستقبل: نظارات "Ray-Ban Display". المرة هذي الموضوع مو مجرد كاميرا على شكل نظارة.. بل شاشة كاملة مدمجة في العدسة اليمنى، ملوّنة، ساطعة، وغير مرئية للي واقف قدامك. حتى وأنت تكلم شخص وجهًا لوجه، ما يقدر يميّز إذا الشاشة شغّالة. لكن، هل كل هذا يسوى ؟

الارتداء: تجربة غير عادية بشكل عادي

الشاشة يوصل سطوعها إلى ٥٠٠٠ شمعة (سطوع ساعات "Apple" من ٢٠٠٠ إلى ٣٠٠٠ شمعة)، يعني تقرأ التنبيهات حتى في عزّ القايلة.
العدسات متحوّلة؛ يعني إذا طلعت برا في النهار تصير معتمة زي النظارات الشمسية، وتخلي المحتوى يبرز وكأنك في لعبة فيديو.
.من بعيد شكلها نظارة "Ray-Ban" كلاسيكية مع فروقات طفيفة في الحجم والوزن

التحكم: بدون أوامر صوتية محرجة

سوارة "Neural Band" بالمعصم تخلّيك تتحكّم بالنظارة بإشارات حركية من أصابع يدك. السوارة فيها حساسات تستشعر الكهرباء في أعصابك لمعرفة حركة يدك، وهذا يعطينا ميزات رهيبة: - الحركة ناعمة جدًا؛ ممكن تتحكّم ويدك جنبك أو حتى ورا ظهرك. - تقدر تكتب في الهواء بإصبعك، والذكاء الاصطناعي يحوّلها لنص (ميزة ستتوفر قريبًا).

النظرة الواقعية

رغم اللمسات المستقبلية اللي تقدّمها، التجربة مو خالية من العيوب. عرض المحتوى في طرف عدسة واحدة قد يكون مشتت للبعض، ودعم التطبيقات محدود غالبًا على منصات ميتا نفسها. وسعر ٧٩٩ دولار (٣ آلاف ريال) مع الدعم محدود للعدسات الطبية يزيد من محدودية انتشارها على نطاق واسع.

الصورة الكبيرة

بعد سنوات من تجارب الشركات على الكاميرا فقط، هذي أول نظارة ذكية تحس إنها فعلًا ممكن ترافقك في يومك. الظاهر ميتا نجحت في تحويل النظارات الذكية من شكل مضحك، إلى أداة ممكن نلبسها بدون تردد. لكن ميزاتها العملية مثل التصوير والتفاعل مع الذكاء الاصطناعي ما تبرر سعرها في ظل وجود الهواتف الذكية اللي تقدم ذات القيمة تقريبًا. فرص انتشار النظارات الذكية والواقع المعزز زادت، لكن مع هذه التحديات صعبة نشوف هالانتشار قريب.