طول السنة تدخر لسفرة الصيف لكن بالنهاية تحس أن كل الدول تقدم نفس التجربة؟ نفس المقاهي نفس الجدران الإسمنتية، نفس الإضاءة الفندقية، ودائمًا ماكينة القهوة نسبريسو؟  وما تحس بالفرق إلا بساعات الطيران وغلاء العملة؟    مفهوم ثوري: AirSpace في ٢٠١٦م الصحفي الأمريكي كايل تشايكا لاحظ هذه الظاهرة وسمّاها AirSpace. مصطلح بسيط، لكنه عبقري.   المقصود فيه: أن الأماكن في مدن مختلفة بدأت تتشارك هوية واحدة، كأنها فرع من “مساحة” واحدة في الهواء.   تشايكا كتب وقتها عن مقاهي Brooklyn، وشقق Airbnb في برلين، ومكاتب ستارت أب في سنغافورة. كلها تبدو وليدة الثقافة، لكن لو دققت بتلاقيها نسخة كربونية عن صور رائجة على السوشل ميديا.   AirSpace مو بس تصميم داخلي؛ هو ذوق عالمي صاغته الخوارزميات. إنستغرام يحدد لنا وش “الهبة”، وPinterest يعلمنا وش “ المرتب”، فصرنا نكرر نفس الصورة آلاف المرات حول العالم.   حاميها حراميها  المفارقة المضحكة هي أن Airbnb كانت تبغى تقدم “تجربة محلية” لكنها بدون قصد، خلقت سلسلة متكررة من البيوت المتشابهة. كل شقة “فيها روح” بطريقة واحدة: أثاث خشبي، لوحة فن تجريدي، وكنب بيج. الناس تبحث عن الاختلاف لكنها تحجز أكثر الأماكن التي تشبه الصور التي حفظها عقلها من بنترست. وبدل لا تجرب العيش في منازل السكان بنمط حياتهم، صاروا السياح يغيرون شكل بيوتهم علشان يجذبك كسائح!    التحول من مصطلح لآخر  نفس الفكرة انتقلت من عالم التصميم إلى عالم البراندات. صار فيه موضة اسمها Blanding اختصار من كلمة Bland، يعني “سماط” وماله طعم.   العلامات التجارية صارت تشبه بعضها تمامًا: نفس الخطوط البسيطة، نفس درجات الباستيل، وكلهم بدايتهم من شقة ولا قراج!، والرسالة موحدة: “الاستدامة والإنسانية”. حتى لما تتغير المجالات: قهوة، تجميل، تقنية.. الأسلوب يبقى واحد   ليه صار كذا؟ بسبب لعنة البنش مارك! لأن كل شركة جديدة تبدأ بالسؤال: “وش البراندات اللي نجحت؟ وتمشي على خطاها".   المستثمر يثق في اللي يشبه ما يعرفه، والمصمم يستخدم قوالب جاهزة، والخوارزميات تروّج للمألوف. وكذا دخلنا بدوامة وحلقة مفرغة محد عارف يكسرها، حتى التقنية اللي وعدتنا بالابتكار، خلقت أعظم عملية استنساخ جمالي في التاريخ بالغلط.    محاولة جيل زد للثورة -كالعادة- الجيل الجديد حاول يهرب من الجمال الموحد، لكن كل محاولاته تحوّلت إلى “ستايل” آخر للبيع. العالم صار كصورة معدّلة بالفلاتر نفسها، والخيارات تقلّصت تحت وهم “التنوّع”.   الصورة الكبرى: ‏AirSpace” و“Blanding” مو بس ظواهر بصرية، هي مرآة لشيء أعمق: الخوف من أن نكون مختلفين. لكن فيه استثناءات: براند مثل Liquid Death (مياه في علبة معدنية تشبه مشروب ميتال) كسرت كل القواعد، والناس أحبّوها لأنها مختلفة فعلًا.